ЗАҺАГДАХА

үйлэ ү., хүлеэгд. залог 1) һайжаруулагдаха, һэльбэгдэхэ, эмхидхэгдэхэ, түхеэрэгдэхэ (исправляться, ремонтироваться, готовиться): Зүгѳѳр Хүрьбэ хүрэхѳѳ ябахадаа, хүүргын заһагдажа байһан ушарһаа аяншад харгыһаа гараха баатай болобо (Ж. Тумунов); Гэрэйнь зүүн хойно һамгадай дүхэриг заһагдана (Х. Намсараев); богонёор заһагдаһан үһэн богонёор абаһан, хайшалагдаһан үһэн (коротко стриженные волосы): Сэсэг Содномой богонёор заһагдаһан үһые гэдэргэнь эльбэжэ, магнайдань альгаа няажа, хүлһыень аршаба (Б. Шойдоков); сэдьхэл заһагдаха һанаагаа амарха (успокаиваться): Эхэнь Минжурай хэлэһэн үгэдэ сэдьхэлээ заһагдан, гансата үгэтэй, дуутай боложо … хүхэ сэнхир огторгой ѳѳдэ шэртэнэ (Ж. Тумунов); 2) дэбдихэр дэбдигдэхэ, унтари бэлэн болгогдохо (стелиться, застилаться): Һүүлдэнь диван дээгүүр дэбисхэр заһагдаха зуурань Барга-Няма гэрэй эзэнтэй газаашаа гаража тамхилба (Б. Мунгонов); 3) корректура хэгдэхэ, алдуугүй болгогдохо (корректироваться – о тексте): Бүхы алдуунууд (сканерайшье мүн хэблэлэй газарай гаргаһан) заһагдаһан байха ёһотой (Л. Бадмаева); 4) заһаагаа абтаха, агталуулха, шэмхэгдэхэ (кастрироваться): Заһагдаһан малай ехээр үбшэлэнгүй, түргэн һайн болоходонь, заһаһан хүниие хүнгэн гартай гэдэг.