ЗҮЛГЭ

юум. н. һая ургаһан ногоон (мурава, луговина, луг): Тиигээд морёо хоригложо табижархёод, шалашаһан нюргаяа амаруулхаяа зүлгэ дээрэ ѳѳдѳѳ харан хэбтэбэ (Д.-Д. Дугаров); зүлгэ ногоон нугын ногоон (луговая трава): Түргэн бусаха хэмээ мартажархёод, талын зүлгэ ногоон дээгүүр тэрэ илдам хүүхэнтэй хойшо урагшаа дуугай хэды шэнээн ябаа һэнбиб! (З. Гомбожабай); (хүхэ) ногоон зүлгэ һая ургаһан, шэнэ ногоон (зелёная трава): Май һарын үглѳѳгүүр түрүүшын ногоон зүлгэ дээрэ шэмэг болон хуһа модод набшаһалшоо (Д. Батожабай); Дармажаб Маша хоёр хүхэ ногоон зүлгэ дээрэ зэргэлэн һууба (Б. Мунгонов).