ЗҮДЭРХЭ

үйлэ ү. 1) эсэхэ, тулиха (изнуряться, изнемогать): Абынгаа шарай харахадамни, һанаата үнѳѳтэ болоһоной гашуун тэмдэгээр бүрхэһэн, үһэ һахалынь ута боложо, зүдэрһэн янзатай, хүндѳѳр хурхирна (Ц. Дон); зүдэрхэ зобохо эсэхэ, тулиха (изнуряться): Хэдэн хоног ябага нюсэгѳѳр зүдэржэ зобожо, нютагаа хүрэжэ ядажа ябатараа, дорой байдалда ороод, дороо унахаа ябаха (Ц.-Д. Хамаев); 2) тураха, габииха (истощаться, худеть): Харин нютагайнгаа хүн зониие хүл хѳѳрсэг болгоһон Ардан Махуу хоёр гурбадахи үдэртѳѳ зүдэржэ шонхойшоһон юумэд Боохон нютаг хүрѳѳ һэн (М. Осодоев).