ЗҮБШЭХЭ

үйлэ ү. 1) хэлсэхэ, хаража үзэхэ, тааралдаха, нэгэ һанал олохо, болзолдохо (обсуждать, советоваться, договариваться): Жалууршье олон юумэ энээн тухай зүбшэхэ һанаатай аад, мүн лэ сэхэ хэлэхэ зүрхэниинь үгы байба (Ц. Шагжин); зүбшэн хэлсэхэ хаража үзэхэ, нэгэ һанал олохо (обсуждать): Алтанай уурхайнуудай хэрэгүүд тухайда зүбшэн хэлсэхэеэ дуудаһанаа мартажархиһан мэтээр, тэдэниие эндэ юундэ байгаабта гэһэндэл хараба (А. Ангархаев); 2) эбтээ орохо, эблэрхэ (мириться с кем-л.); 3) һайшааха, хорихогүй, зүб гэжэ тоолохо (одобрять): Маншууд энээндэнь дурагүйдэбэшье, ёһын тэдысэ зүбшэнэ (М. Осодоев).