ЁЛОГОР

тэмд. н. 1) һүлэмхихэн, бүдэхи, бүрүүл, hула, хурса бэшэ, ёлог-ёлог гэhэн (тусклый, неяркий, тускло мерцающий): …Головкин винтовкоёо һуга татан алдаһан аад, арбаад буунуудай ёлогор хара нүхэнүүдэй бэе руунь шагаашоод, даб лэ гэбэлни халуун туулгаар нёлбожорхихо гэжэ ойлгоод, буугаа газарта шэдэжэрхин, моринһоо һүрэжэ буугаад, гараа үргэбэ (С. Цырендоржиев); ёлогор гэрэл бүрүүл, hула гэрэл (тусклый свет): Тэрээнэйнгээ ганса ёлогор гэрэлдэ арһыень хуулажа, мяхыень ашабабди (С. Доржиев); 2) хүнхэгэр, хурса нюдэтэй (с глубоко посаженными глазами и острым взглядом): Бааранхайн ёлогор һамган гэлдэжэ, хэзээдэ энэ колхозой багашуул айжа хэмшээрхэжэ ябадаг аад лэ, түрүүшын дуугаар иишэ тиишээ хаха бутаран, гүйлдэжэ үгы болошонод (Х. Намсараев); 3) дурагүйдэһэн, хүйтэн, хүйтѳѳр хараһан (неприязненный, холодный – о взгляде): – Хүүргэһээ бодожо ябаһан бодхуулнууд гүт? – гээд, ёлогор муухай нюдѳѳр шэртэн хараад һууна (Х. Намсараев); Нялуун үгэ нюурта, ёлогор нюдэн нюрганда (Оньһ. ү.).