ЁҺООР

1. наречи 1) зүбѳѳр, зүб руунь, һайнаар, бодотоор (как следует, как полагается, толком, хорошо, правильно): Тиихэдэ үбэл байгаа, ёһоор түлигдѳѳгүй клуб хүрэшэнхэй, тэндэ сугларһан хүнүүд баһал хүйтѳѳр тэрэниие угтахадал гээ һэн (Ц.-Ж. Жимбиев); 2) яһала, нилээд, болохотой, угаа (довольно, весьма): – Мүнѳѳ энэ горхоной уһанай амтатай, хүйтэн гээшэнь! Эсэжэ ангажа ерээд уухада, ёһоор зохид даа (Ц. Шагжин); – Шоно гээшэш ёһоор лэ хара муухай һанаатай хүн, халтад лэ гээ һаа шамайгаа худалдаха (Б. Санжин, Б. Дандарон); ёһоор ехэ яһала томо, ехэшэг (довольно большой): Хүбүүниинь нэгэ жэл соо ёһоор ехэ болобо; 2. дахуул ү. 1) тааруугаар, шэнжэтэйгээр, хэбээр, жамаар, баримталан (согласно, на основании, с точки зрения, по): Альга ташалган боложо, һүүлээрнь Хубита үбгэн буряад арадай ёһоор малгайгаа үмдэжэ, тѳѳлэй барижа эхилнэ (Х. Намсараев); хуулиин ёһоор, хуули захиргаанай ёһоор хуули баримталан (по закону): Теэд лэ энэшни Сада ахайһаа абаха ёһотой мүнгэеэ хуулиин ёһоор бултыень нэхэжэ абаад, ошоһон байха (Ц. Шагжин); Хуули захиргаанай ёһоор хүсѳѳрѳѳ барижа байһан таряашадайнгаа тухай иимэ шог үгэ хэлэжэ болохо аал? (Ч. Цыдендамбаев); номын ёһоор буддын шажанай һургаал даган (согласно буддийскому Учению); ямба зэргын ёһоор зэргэ зэргээрээ (по рангу, согласно рангу): Удаань бусад айлшад бэе бэеэ урилсаһаар, ямба зэргынгээ ёһоор һубарилдан оробод (Б. Санжин, Б. Дандарон); дээрэ хэлэгдэһэнэй ёһоор урид хэлэгдэһэнтэй тааруугаар, уламжалан (как уже говорилось выше); 3. тэмд. н. 1) бодото, ёһото, үнэнхэ, һайн шанартай (настоящий, хороший): – Ванна гээшэмнай ёһоор юумэн, дуратайл сагтаа бэеэ угаагаад, хүлһѳѳ сэбэрлээд гарашахат (С. Цырендоржиев); Балдан гээшэмнай ёһоор хүн байшабал, хэлэһэндээ хүрэжэ, хоёр тэргэ түлеэ асаржа үгэбэл; ёһоор басаган бодолтой басаган (серьёзная девушка): – Роза ёһоор лэ басаган даа, – гэжэ Дугаржаб магтана (Ц.-Ж. Жимбиев); ёһоор бүд һайн шанартай бүд (добротная ткань); 2) һанаһанһаа дээрэ, боломоор, болохотой (лучше, чем ожидалось, довольно неплохой, сносный): Хүршэ бурядуудынь ямаадайнь газар шударма шандагар томо дэлэнгые заажа: – Ёһоор ямаан байна, үнеэнтэй тэнтэй һү үгэхэл ха, – гэлсэдэг байгаа (Ч. Цыдендамбаев).