ЁҺОНОЙ

тэмд. н. али нэгэн түхэлэй, шанар шэнжын (определённого свойства): Шэнэ нүхэдэй дунда орожо, шэнэ ёһоной хѳѳрѳѳ арсаанай урадхалда абтахадашни, шэнэ онтохон сэдьхэлдышни ерэнэ ха юм (Ч. Цыдендамбае); нүхэр ёһоной нүхэрэй, нүхэдэбди гэжэ һанан бэе бэедээ хандалсаһан (дружеский): Харин нүхэр хүбүүндээ, студентнүүдэй гуримаар, нүхэр ёһоной мэндые хүргэбэ гэжэ толгойдоо нэгэшье оруулнагүй хал даа (Д. Эрдынеев); аха дүүгэй ёһоной харилсаан аха дүүбди гэжэ һанан, аха дүү хоёр шэнгеэр бэе бэедэ хандалсаһан хандаса (братские взаимоотношения); хуули ёһоной хуули дагаһан, баримталһан (правовой); эсэгэ ёһоной анхарал эсэгэ шэнгеэр хандаса (отеческое внимание); эрхэтэнэй ёһоной гэрлэлгэ эрэ эмэ хоёрой улас түрын хууляар нэгэдэлгэ, гүрэнэй бүридхэлдэ абтан ниилэлгэ (законный брак); аргын ёһоной тоолол Наранай ябаса хараалан, үдэр хоног тоололго, литэ (солнечная система счисления); бэлгын ёһоной тоолол Һарын ябаса, гушан хоногой туршада хубилбари ажаглан үдэр хоног тоололго (лунная система счисления); хархис ёһоной добтолго эб найрамдалай хэлсээ эбдэн, хоротоор дайлан оролго (варварское, вероломное нападение).