УУТА

юум. н. 1) арһан тулам (мешок кожаный): Тиигээд тэрэ бушуухан сайлаһанай һүүлдэ бугынгаа мяха асархаяа морёо эмээллэжэ, хооһон уутаяа ганзагалаад, хүнды өөдэ үгсэжэ ошоо һэн (Д.-Д. Дугаров); уута туламууд арһаар оёһон хэмжүүрээрээ ехэ, зосоонь юумэ хэдэг амһартанууд (мешки, торбы): Юрэдөөл, буутай хүн бүхэн иишэ ерэхэдээ миинтэ мяханда һанаархажа, уута туламуудые ганзагалаад ябадаг (Д.-Д. Дугаров); 2) ага хулганаанай нүхэн соогоо суглуулһан нөөсэ, дараса, үргэн (запас корней сараны и зерён, устраиваемый мышами на зиму): Үргэншэ хулгана уутаяа дүүргэхэ бүреэ улам саашаа хомхойрходог (Ж. Тумунов); 3) гуламтын нүхэн (яма для разведения огня): Уута соо улаан шагай (таабари, сог); 4) шэлж. баялиг (сокровищница): Ушар иимэһээ угайнгаа түүхэ бэшэгые улам гүнзэгыгөөр шэнжэлхээр, уута баялигаа уудалжа, улад зондоо түхөөхөөр саг хүрэжэ ерээ бшуу (Б.-М. Жигжитов); арадай аман зохёолой уута арадай аман зохёолой бүтээлнүүдые хамтадхан нэрлэһэн тогтомол холбоо үгэ (сокровищница устного народного творчества).