УУХА I

үйлэ ү. 1) шэнгэн юумэ балгажа залгиха (пить): Үдэшэлэн ажалай һүүлээр тэрэ гэр бараандаа сугларжа, гал гуламтаяа тойроод лэ халуухан сайгаа уужа һуубад (Ц.-Ж. Жимбиев); 2) эм шэнгэн бодосоор даруулан залгиха, эм хүртэхэ (проглатывать лекарство): Хэдэн тун эм уубашье, эхынь бэедэ ямаршье хубилалта һайн тээшэ үзэгдэбэгүй (Ч. Цыдендамбаев); 3) эдихэ, хоол бариха (есть, принимать пищу): Тоһотой шүлэ уужа, тарган мяха эдихэ бүреэ тэрэнэй шэг шарайнь үнгэ гэрэл орожо, нюдэнэйнь улаан таларна (Ж. Тумунов); 4) архи, архиин зүйл ууха, архидаха; унжагайран архидаха, архида орохо (употреблять спиртные напитки; пьянствовать): Пормоон Ган-Булад хоёрнай ууба, хөөрэлдэбэ (Ц.-Д. Хамаев); Тэрэшни хэзээнэй уудаг болоһон.