УТААР

наречи 1) богони бэшээр, унжагайгаар (длинно): Тэрэ хармаан сооһоо үнөөхи трофейнэ зажигалкаяа гарган носоожо, утаар орёоһон тамхинһаа утаа бааюулан һууба (Ц.-Ж. Жимбиев); ута утаар алхалха холо холо алхалха (шагать большими, крупными шагами): Түргэн гүйдэлөөрөө ошожо, хашаагай үүдээр харахадань, туранхай үндэр бэетэй, бүгтыд гэһэн нюргатай лама хүн дохолон һагад, ута утаар алхалан, хашаагай саагуур орошобо (Д. Батожабай); утаар табиха удаан саг соо тайрахагүй, тайрангүй ургуулха (отпускать, отращивать волосы, бороду): Утаар табиһан гэзэгэнь, наранда шатаһан маряатай хүрин гарнуудынь, оймһогүй сэбэр булшангуудынь Эрдэниин абьяас хүдэлгэнэ (Д. Эрдынеев); 2) удаанаар, хэмһээ үлүүгээр, унжагайгаар (протяжно, длинно, продолжительно): Гансал үйлсөөр татаһан зайн галай шабын түмэр хорон шанга һалхинда дааран, утаар гангиналдана (К. Цыденов); утаар татаха удаанаар дуугарха, дуулаха (протяжно тянуть слова, петь): Дүүхэй бултаниие илдамханаар адаглан хараад, сээжын оёорһоо үшөө нэгэ дуунай аялга утаар татан зэдэлүүлбэ (М. Осодоев).