УРИЛДАХА

үйлэ ү. бэе бэеэ түрүүлжэ гарахаяа һанаха, хурданаа туршаха, мүрысэхэ, гүйдэлөөр мүрысэхэ, мүрысөөндэ тэмсэхэ (состязаться, напр. в беге, перегонять друг друга): Доржые Еши хүнэй сүлөөдэ дуудажа, гансал урилдаан тухай, зээрдэ гунан тухайгаа, хайшан гээд урилдаха тухайда хөөрэдэг байба (Ч. Цыдендамбаев); урилдан гүйлдэхэ бэе бэеэ түрүүлжэ гарахаяа һанажа гүйлдэхэ (бежать наперегонки): Үрхэ зумбараанууд орохо нүхэгүй болоходоо, үндэр газар тээшэ урилдан гүйлдэнэ (Ц.-Ж. Жимбиев); санаар урилдаха санаар мүрысэхэ (состязаться в беге на лыжах): Тиигэжэ ябатарни, үбэлэй нэгэ үдэр хүршэ Могойто тосхоной һургуулиин арбадахи классай һурагшад бидэнтэй санаар урилдахаяа айлшалжа ерэбэ гээшэ (Д. Дылгыров).