УРИХА I

үйлэ ү. ерыт гэхэ, айлшалыт гэхэ, дуудаха (приглашать, звать к себе): Уданшьегүй ламбагайн мориёо шүдэрлэжэ табяад, гэдэргээ эрьехэдэнь, Жалма тэрэниие гэртэ орохыень урижа байгаа һэн (Д. Батожабай); хоймортоо уриха хүндэтэй айлшадаа гэрэйнгээ баруун-хойноһоо зүүн-хойно хүрэтэрхи гуламтада туласа зайда, дээдэ талада һуухыень дурадхаха (приглашать в хоймор): Моходой айлшадаа хоймортоо урижа, набтархан шэрээнүүдэй саагуур зөөлэн шэрдэгүүд дээрэ һуулгаба (А. Ангархаев).