УРАГШАЛХА

үйлэ ү. 1) ябаһан тээшээ ябаха, ябаһан шэгээрээ ябаха, сухарилтагүй ябаха, хараһан зүг тээшээ тэгүүлхэ (идти вперёд): Саһата шуурган гайхалтай түргэн намдажа, һүниин яаралтай айлшадай мордоһондол, үүлэд таһаран, хэһэглэн, шамдуу урагшална (Д.-Д. Дугаров); 2) урда зүг барин ябаха, урагшаа ошохо (идти к югу, лететь на юг): Зэнхэгэр огторгойн уудамаар зэлэ татан, һүрэг олон галуу, тохорюунууд ганганалдаһаар урагшална (Д.-Д. Дугаров).