УРАДХАХА

үйлэ ү., идх. залог 1) уһанай ябасые үүдхэхэ, шэглүүлхэ, хүдэлхыень баадхаха, адхаруулха, гоожуулха (заставить течь, проливать): Баруун нюдэнэйнгөө нёлбоhоор / Байгал далай тогтообо, / Зүүн нюдэнэйнгөө нёлбоhоор / Зүлхэ мүрэн урадхаба (Гэсэрһээ); ◊ шуһаа урадхаха хэн нэгэниие хамагаалжа хосорхо, алуулха (проливать кровь): Энэмнэй Балжан хатанайнгаа манжа-монголнуудта хэршэгдэжэ шуhaa урадхажа хосорhон дурасхаал болгон тэмдэглэhэн ха (Н. Мархасаева); үрэ зүрхые урадхаха уяруулха, хайлуулха, сэдьхэл хүдэлгэхэ, зүрхэндэ орохо (задевать душу): Дороһоо нарииханаар абажа, долгилуулан, үндэр дээрэ болгон нугалжа, шагнажа һууһан хүнэй үрэ зүрхые хайлуулжа, урадхажа байһан юм шэнгеэр аялгална… (Х. Намсараев); 2) уһаар доошонь ябуулха (сплавлять по течению): Мүнөө сагта модо урадхахаяа болижо, голнуудай һабанууд сэбэр байдаг болоо.