УНТАШАХА

үйлэ ү., видэй нэгэ түхэл тэрэ дары унтаха, һажашаха (быстро заснуть): Залма угааһан нойтон самсаяа ногоон дээрэ дэлгээгээд, Баданай үбдэг дэрлэн хэбтэжэ байтараа, уданшьегүй унташаба (Б. Санжин, Б. Дандарон); бүхэ нойроор унташаха бэлээр һэрихэгүйгөөр үргэһэ абаха (≈ спать без задних ног): Доржо нюур гараа, сээжэ толгойгоо үни удаан угаажа, хубсаһаяа һэлгээд, кухнидаа ошожо эдеэлээд, бүхэ нойроор унташаба (Ч. Цыдендамбаев).