УНАМА I

наречи ехээр, айхабтар (сильно, очень): Үүр сайжа байха үеэр Ханда нүхэдөө үдэшөөд, унама эсэнхэй юумэ зуһаланайнгаа гэртэ орожо, эжынгээ үбэртэ дулаасажа хэбтэһээр унташоо һэн (Д. Эрдынеев); тороод унама харанхы нюдэ хадхама харанхы, хара балай (кромешная тьма): Угайдхадаа үүлэтэй байжа, тороод унама шэб харанхы бшуу (М. Осодоев); гэдэргээ (гү, али газар үмхэн) унама айхабтар муухай, бузар муухай (ужасный): Үжэнги үнгэрһөөнь гэдэргэ унама үнэр анхилна (Ч. Цыдендамбаев); Үбэлэй тэн багаар үнинэй хүлеэгдэһэншье һаа, газар үмхэн унама мэдээсэл абтаа һэн (С. Цырендоржиев); унама дохолон ехэ дохолон (сильно хромающий): Энэ нүхэрнай хүдөөгүүр ябахадаа, ажалай халуунда мэдэнгүй, үнөөхи хүлөө һэндээгээд, унама дохолон юумэ гэртээ бусадаг бэлэй (Ц.-Ж. Жимбиев); унама һогтуу ехэ һогтуу, шал мяхан hогтуу (мертвецки пьяный): Теэд унама һогтуу гэһэн урагуудни толгойгоо үргэжэ, һэр-мэр гэлдэн, эсэгыешни анхарбал (Ц.-Д. Хамаев); унама дуһама унан бодон, унахаар (чуть не падая): Энээнэй һүүлээр архи мяхаяа эдижэ, уужа, нашаганаса ташаганаса хөөрэлдэжэ хүхижэ, унама дуһама болотороо һогтоод… (Х. Намсараев).