УНАА

юум. н. 1) тэргэ, шаргада хүллэжэ хэрэглэдэг амитад, мүн нюрган дээрэнь һуугаад ябадаг амитад, уналга (домашние животные, запрягаемые в телегу или сани, верховые животные): Бэлшээритэ талада тангаршаажа ябаһан унаганһаа эхилээд, аймагтаа суурхама хурдан гүйгөөшэ болоторнь хахасангүй нүхэсэһэн унааһаа үлүү юумэн адуушан буряадта байха аал! (Д. Эрдынеев); морин унаа ябалгын арга хэрэгсэл болоһон морин, унаха ба тэргэдэ хүллэхэ һургамал морин (лошадь как транспорт): Y мсын ажалтай байхадаа, мори унаагаа һайн байлгадаг, хомууд хударгыень зохидоор тааруулаад, хаража хадагалжа байдаг һэн (Ц. Дон); сар унаа хүллэгдэдэг сар (запрягаемый вол): Иимэ байдалтай зон ажалта үдэр ехые олохын түлөө сар унаагаа гамнангүй хүдэлнэ ха юмта даа! (Д. Эрдынеев); 2) ашаа гү, али хүнүүдые зөөхэ хэрэгсэл, машина, автобус г.м. (средства передвижения): Toмo aвтoбyc 10 caя түxэpигтэ, тиин тэpэ мүнгөөp З0 yнaa aбaжa бoлoмoop (arigus. tv); Ниитын унаагай талаар нилээд ехэ бэрхэшээлнүүд бии гэжэ сэхэ хэлэнэбди (Б. Бадмаев); унаа тээбэри хүнүүдые гү, али ашаа нэгэ газарһаа нүгөө газарта хүргэхэ хэрэгсэл (транспортное средство): Тэдхэмжэ абагшын лэ шиидхэбэреэр тус түлбэри гэр байра, унаа тээбэри худалдан абаха болон ондоо хэрэгтэ шэлжүүлжэ болохо гэжэ Соёлма Дагаева тэмдэглээ (vtinform. com); ашаанай унаа хоорбо соонь ашаа тээжэ зөөдэг томо машина (грузовой автомобиль).