УЛАНХАДАХА

, уланхатаха үйлэ ү. үлэнхэдэхэ, хооһодохо, гэдэһээ үлдэхэ, юумэ эдихэеэ һанажа шунахайрха (изголодаться, натерпеться голоду): Уланхадажа унахаяа ябаһан хүнэй хүйтэн мүльһэнһөө шэнээ орожо, гар дээрээ тулгалан үндыхэтэйнь хамта нимгэхэн мүльһэн шаршаганан гантаба (Д. Батожабай); Улаан зун дунда уланхатаһан амитадтай дайралдалган һайтайл бэшэ даа (Ц.-Ж. Жимбиев); уланхатаһан шоно үлэн шоно (изголодавшийся волк): Хара Дашанима уланхатаһан шоно мэтээр дээрэнь буулдажа, ногоон солдат самсынгаа хамсые тохоногтоо хүрэтэр шамаад, тарган арьбантаһаа ехэ ехээр отолсогоон, абяатайгаар шамшаран, яаралтай түргэнөөр эдижэ хүлхэжэ оробо (Б. Мунгонов); уланхадажа эдихэ хомхойржо эдихэ (≈ уплетать за обе щеки); уланхадан татаха эбдүүсэн һорохо (жадно затягиваться при курении); 2) шэлж. обтохо, абьяаста абтаха, шунахайрха, няадаһарха, няадаһаа хүдэлдэхэ, хам орохо, шунан орохо (распаляться, увлекаться, входить в азарт, в раж): Уланхатаһан бэшэдынь Сэмбэлые тэрэ доронь даража унаад, мэдээ алдатарнь сохибо (М. Осодоев); улам уланхадаха бүри ехээр шунахайрха, абьяаста, хүсэлдэ абтаха (всё больше возбуждаться): Харин Самбуу лама улам уланхадажа, шадал хүсэ нэмэхэ зуураа тэрэнэй ута хурганууд Жалмын тэрлигэй тобшонуудые тайлажа захалба (Д. Батожабай); ажалда уланхадаха хүдэлмэридөө хам орохо, шунан орохо (уходить в работу с головой): Ажалдаа уланхадан, үрдилдэн ябаһан уйгүй залуушуулай согтой дорьбоотой шууяан эндэ тэндэ хушуу холбон, хоб жэб хөөрэлдэһэн үтэли хүгшэдэй ярилдаае үргөөн һандаан таһалдуулна (Ц. Дон).