УЛАМ III

1. наречи үшөө, үшөө ехэ, бүри, айхабтар (ещё, ещё более, всё, всё больше): Энэ хөөрөөнһөө хойшо Гэрэлэй эжы бидэ хоёр улам эбтэй эетэй болошоо бэлэйбди (Б. Ябжанов); улам улам бүри, бүри ехээр, үшөө ехээр, һайса (ещё более, всё больше): Хөөрүү морин амыень татаха бүри улам улам урагшаа тэгүүлнэ (Ж. Тумунов); улам бүри үшөө, айхабтар (ещё более): Бальжама абгайн шэг шарайньшье хүхэ сагаан, улам бүри бүгтэгэр, жаахан болошоо (Ц.-Ж. Жимбиев); улам саашаа үшөө саашаа, бүри саашаа (ещё дальше): Цэрэнпил улам саашаа зон соогуур зүдхэжэ, худхалдан ябана (Х. Намсараев); улам ехээр бүри ехээр, бүри шангаар (ещё больше, ещё сильнее): Дичигмаа хүбүүнэйнгээ томо боложо байһанда улам ехээр урмашана, баярлаһан нюдөөр үбгэнөө шэртэнэ (Ж. Тумунов); улам олон болохо ямар нэгэн юумэнэй олошоржол байха, тоогойнь нэмэгдэжэл байха (становиться всё больше и больше): Яаралаар хэгдэһэн мори уяха сахануудай ойро тэргэтэй ба эмээлтэй морид улам олон болоно (Ч. Цыдендамбаев); улам үсөөрхэ үсөөн боложол байха, үсөөржэл байха, ехээр үсөөрхэ (всё редеть): Тэндэһээ харахадань, тосхонойнь айлнуудай гэрэлтэй сонхонууд улам үсөөржэл байба (Ф. Цыденжапов); улам муухай болохо муудажал муудажал байха, бүри ехээр муудаха, үзэмжэгүй болохо (всё ухудшаться): Тэнгэриин шарай улам муухай боложо, һалхинай эршэ бүришье шангадана хэбэртэй (Х. Намсараев); улам элеэр харагдаха бүри һайнаар, тодорхойгоор харагдаха (виднеться всё отчётливее): Байн байн тооhо шоройн аалиханаар таран унахадань, хонхор хүнхэрэй талмай улам элеэр харагдадаг болобо (Г.-Д. Дамбаев); 2. дах. ү. тэрээнһээ боложо, тэрээн дээрэһээ, уламжалан (из-за кого-л., чего-л., благодаря кому-л., чему-л.): Энээнһээ улам Сэлэнгын, Үдын острогуудые дайлахань лабтай (Б. Санжин, Б. Дандарон); Иигэжэ һанахаһаа улам тэрэ Майдартанай ерээдүйе бодобо (Д. Эрдынеев).