УЛАЙЛГАХА

үйлэ ү., идх. залог 1) улаан болгохо (делать красным, румянить, раскалять): Хөөбэр саһые тойруулан улайлгаһаар, шүрбэһэеэ татуулһандал хүдэлэнгүй загсашаба (А. Ангархаев); нюураа (гү, али хасараа) улайлгаха эшэһэндээ гү, али уурлаһандаа нюураа улаан болгохо (краснеть от смущения, злости): – Үшөө хүниие элдэблэхэшни дутаа гү, – гээд, Юндэн уурлаһандаа нюураа улайлгаба (Д.-Д. Дугаров); Оюуна хасараа улайлган харюусана: – Теэд бидэ уулзаа бэшэ гүбди (Ц.-Ж. Жимбиев); ◊ мүрынь улайлгахагүй хубсалуулха, хубсаһа һайнтай байлгаха (одевать прилично): Мүрынь улайлгахагүйе, хүнэй хүбүүнэй доро яабашье ябуулха, оруулхагүйе шуһаараа оролдохо, хүгшэниинь «үбгөө» гэдэг… (Ц.-Д. Хамаев); 2) эшээхэ, аягүй байдалда оруулха (смущать): Таня нэгэ юумэ хэлэхэ гээд, һүүлэй минутада халажа ядаба гэжэ тухайлбашье, ахань тэрээгээр һонирхонгүй, ондоо асуудалаар дүүгээ улайлган сайлгангүй, гаража ошобо (Ч. Цыдендамбаев); 3) улайха, улаан байха (краснеть): Эрдэмтын самсын хахархайгаар хэдэн батагана шургажа, дала мүрыень хаза хазаһаар, уб улаан бишыхан шүрэ хубанууд шэнги болгожо улайлгана (Ч. Цыдендамбаев).