УЙТАРУУЛХА

үйлэ ү., идх. залог 1) нарин болгохо, зай бага болгохо, хабшалдахые баадхаха, уйтан болгохо (суживать, стеснять): Вагоной дээдэ наар дээгүүршье, доодо наар доогууршье элдэб ехэ бага хайрсаг, чемодан, мэшээг, монсо сонсо боодолнууд багтахаар бэшэ олон боложо, зай буляан уйтаруулна (Ц. Дон); нюдэеэ уйтаруулха нюдэеэ ониилгохо (суживать, прищуривать глаза): Старцев нюдэеэ уйтаруулан, мэхэтэйхэнээр хамар дороо удаан энеэбхилһэнэйнгээ һүүлээр үнөөхи пулаадаа гаргажа, һахалаа аршана (Д. Батожабай); хүреэ уйтаруулха хүреэ бага болгохо, багадхаха (сужать круг): Абашад газаршадай үгэһэн хоёрдохи дохёогоор номо һомоёо, агнууриин жадануудые бэлэн баряад, шамдуун ябажа, хүреэгээ уйтаруулна (Б. Санжин, Б. Дандарон); 3) шэлж. уйда даруулха, сэдьхэл зобоохо, досоогоо муудхааха (печалить, расстраивать): Намарай хара һалхин, хүһэрэй хүхэ дайда тэрээнэй зосоохиие улам уйтаруулдаг болобо (Н. Очиров).