УГАЛЗА

юум. н. сохимол, зурамал, һиилэһэн, оёһон хээ (узор, вышивка): Угалза хадаа оршон тойроноо ажаглан хаража, хада уула, гол мүрэн, шубуу шонхор, ан гүрөөл, адууһа мал, гэр байдал гэхэ мэтые дууряан зураһан уран зуралга, бэшэлгын өөрсэ тэмдэг болоно (Ц.-Х. Дарибазарова); угалза хээ сохимол, һиилэһэн зурагууд (узоры): Баханануудынь үмхирөөд, анханайнь гоё угалза хээнүүд хуу баларшанхай (Б. Санжин, Б. Дандарон); угалза гаргаха хээ һиилэхэ, хээлэхэ, хээлэн шэмэглэхэ (покрывать узорами, делать узорчатым): Би тэрэ һургуулииншни гэрэй армаг болон сонхонуудтань булай гоё һиилүүр, угалза гаргаха байгааб (Ц. Шагжин).