ТЮРК

тэмд. н. тюркнүүдтэ хабаатай (тюркский); тюрк хэлэнүүд эдэ олон түрэл хэлэнүүд монгол туургатанай болон тунгус-манжа хэлэнүүдтэй хамта алтайн хэлэнүүдэй бүлэдэ ородог (тюркские языки); тюрк хаан түрэ 552–745 онуудта байhан тюрк угсаатанай гүрэн. Мүнөөнэй Монголой, Байгал шадарай нютагуудые Түб Азиин бусад газарые, Хойто Хитадые, Аму-Дарья хүрэтэрхи Дунда Азиие эзэмдэжэ байhан. 7 зуунай эхеэр Дунда Азидахи Баруун тюрк хаан түрэ болон Түб Азидахи Зүүн тюрк хаан түрэ гэжэ хоёр хуби болошоhон. 745 ондо уйгурнууд тэдэниие бута сохиhон (тюркский хаганат).