ТУУРГА

юум. н. 1) һэеы гэрэй ханын һэеы хушалта, бүрхөөбшэ. Уняагаа бодхоогоод, гурба метр тухай утатай дүрбэн тэбхэр hэеы – туурга ханануудта тоходог. Туургын дээдэ захаарнь ута руунь барижа оёhон зээг гэдэг нариихан дээhэн хүбөө байдаг. Туургын дээдэ шэгшэгүүдтэнь хадагдаhан ооhороор тэдэниие ханада, уняада бүхэлэн уядаг. Туургануудаа тохоходоо, түрүүн баруун талынхииень, удаань зүүн урдахииень, эгээ hүүлдэ хойгуурхи хоёрынь нүгөө хоёр туургануудайнгаа захада дабхасуулан тоходог. Тиигээгүй hаа, баруун, баруун хойноhоо үлеэhэн шанга hалхин урда туугарнуудыень шамажархихадаа болохо байгаа Л. Линховоин (войлочные стенки юрты): Үүдэ һахиһан харуулшан гэрэй зүүн урдахи туурга налаад, һуумгашаа унтажа байна шэнги (Б. Санжин, Б. Дандарон); туурга шууха дулаанай сагта гэр соо hэрюу оруулхын тулада хойто ханын туурга дээшэнь үргөөд, модоор тулаха (поднимать стенной войлок юрты с северной стороны): Гэртэнь гал түлеэтэй, бүгшэм халууншье хадаа туургань шуултатай, баруун хойто хаяагаарнь һэрюу даабарилна (Б. Санжин, Б. Дандарон); 2) шэлж. ямар нэгэн барилгын хана (стена какого-л. строения): Түмэр бархагаар хүрмэгдэһэн онигор сонхоор үглөөнэй туяа шурган орожо, тэрэниие тойруулжа бариһан самхаг туургын ёрбогор оройнууд харагдадаг болоно (Ж. Балданжабон).