ТУУЛАЙН

тэмд. н. туулайда хабаатай (кроличий; заячий): Тэрэнэй урда табяатай улаан, сагаан, боро үнгэтэй, нимгэн зузаан саарһан дээрэ хүсэнэгтүүлэн бэшэгдэһэн дансанууд соохи тоонууд, саһан дээрэхи туулайн мүрнүүд шэнги багаар һанагдажа… (Ж. Тумунов); туулайн зулзага мэрэдэг амитадай аймагта ородог ута шэхэтэй амитанай түл (крольчонок; зайчонок): Харан гэһээнь, туулайн зулзаган ондогод-ондогод байса харайгаад, ногоон соогуур харагдахаа болишоно (Ж. Балданжабон); ◊ туулайн шал худал юумэн, худал үгэ (враньё): – Үнөөхи айхабтар программатай, гуримтай, түсэбтэй бүлгэм улад гээшэбди гэжэ байжа хэлэдэгшни дууһан туулайн шал байгаа ха даа (Ц. Дон).