ТУСХАЙ

1. тэмд. н. 1) онсо, өөрсэ, тусгаар (особый, исключительный): Теэд мүнөө мүрдэлгөөр та хоёрой зэмэгүй байһан тодоржо, тусхай тогтоолоор хаалтаһаа табигдаба гээшэт (Ц. Дон); тусхай онсо өөрсэ, тусгаар, юрэ бусын (особый): Тусхай онсо тобшололой соносхогдоошьегүй һаа, эрдэмтэдэй Совет Доржо Банзаровта кандидадай нэрэ зэргэ олгуулха гэжэ суглараашад мэдэжэ байба (Ч. Цыдендамбаев); тусхай даабари онсо шухала, юрын бэшэ хэрэг (особое задание): Таниие тусхай даабаритайгаар иишэ эльгээгдэһэн гэжэ бидэндэ дуулгаа (Б. Шойдоков); тусхай хиналта һэримжэтэй, саг үргэлжын хинан харууһалалта (особый контроль): – Шамайе тусхай хиналта доро абабаб! (Ц. Шагжин); тусхай пенси абагша ямар нэгэн габьяатай байһанай түлөө тогтоогдоһон пенси абагша (персональный пенсионер); тусхай ондоо тусгаар ондоо (совсем особый); 2) амяараа, суг бэшэ, бэеэ дааһан (отдельный, особняком стоящий): Секретариин стол дээрэ тусхай ящик соо хэдэн хоногой бэшэгүүд хэбтэгшэ (Д.-Д. Дугаров); тусхай илгаранги бусадһаа амяараа (обособленный, сепаратный); тусхай батальон бэеэ дааһан дотоодын захиргаатай, өөрын ажахытай, полкын бүридэлдэ ородоггүй тусгаар батальон (отдельный батальон); 3) гансал нэгэ юумэндэ зорюулагдаһан, тусгаар хэрэгсэлэй (специальный): Залуу нүхэрнай тусхай һургуули дүүргэһэншье һаа, эндэхи газарай эрхэ байдал мэдэхэгүй, һая хүдэлмэрилжэ эхилһэн дүршэл багатай хүн байна ха юм (Б. Мунгонов); тусхай корреспондент ямар нэгэ мэдээсэл тараадаг эмхиин зорюута томилогдоһон сурбалжалагша (спецкор): «Буряад үнэнэй» тусхай корреспондент Булат Жанчипов 1960 онуудhаа захалжа, республикынгаа бүхы аймаг, нютагуудаар, … Москва, Пензэ, Новосибирск, Эрхүү хотонуудаар албанайнгаа хэрэгээр ябажа, очерк, замай тэмдэглэл, зураглал тоогүй олоор бэшэhэн гээшэ (nomoihan. com); 2. наречи онсолон, зорюута, илангаяа (особо, особенно): Илангаяа «Улаан туг» колхозой коммунистнар дисциплинэ муутай, нюдаргашуудаар архидажа ябаха, тэрээн тухайтнай тусхай хэлсэхэ байнабди… (Ц. Дон).