ТУСГААРЛАХА

үйлэ ү. 1) тусхайлха, амяарлаха (обособлять, отделять, выделять): Үнэтэй үгэнүүдые хиидэ хаянгүй шагнажа абаад, тархиингаа «тусгаарламаар хайрсагта» хэжэ бүхөөр суургалаад, хэрэгтэй сагтань дары хэрэглэмээр бэлэн байлгадаг (Ц.-Д. Хамаев); 2) тусхайлагдаха, амяарлагдаха (выделяться, обособляться); тусгаарлаһан холбоо үгэ хэлэ шэнж. илгаһан холбоо үгэ (разделительный союз).