ТУС I

1. түл. ү. мүн, мүн байһан, энэ нэрлэгдэһэн (данный, этот): Тэрэ шулуун дуган доро тус нуурай эхин дарагдаһан юм гэжэ түбэд зон этигэдэг һэн (Д. Батожабай); тус тустаа (гү, али бүри, бүхэн) тэрэ бүхэн, туд бүри, ами амяараа, ами аминдаа, суг бэшэ (каждый в отдельности): Буда Жалуур хоёр тус тустаа бодолгодо абтажа, нилээд үни абяа шэмээгүй һуунад (Ц. Шагжин); Тиимэһээ буян нүгэлэй илгаае ба номойшье шанар мэдэхэгүй, абари зангынь хатуу шэрүүн, наһаниинь ута, бэе яһаниинь томо, тус бүри өөр өөрын гурим дураар аашалан ябадаг (buryadxelen.com); тус тустань (гү, али бүхэндэнь) тэрэ бүридэ, туд бүридэ, хүн бүридэ (каждому по отдельности, персонально): Теэд кандидат болохоор бэлдэжэ эхилһэн зарим нэгэ студентнэртэ дипломно ажалаа бэлдэхэ арга олгожо, тус тустань бишыханууд таһалга гаргажа үгэдэг (Ч. Цыдендамбаев); Панышев отрядаа хэдэн бүлэг болгожо хубаагаад, тус бүхэндэнь тусхай маршрут, даабари үгэбэ (В. Гармаев); тус бүриһөө тэрээн бүриһөө, хүн бүриһөө (от каждого в отдельности): Түрэлхидэй суглаанда ерэһэн хүнэй тус бүриһөө 1200 түхэриг һургуулиин фонддо суглуулба; 2. наречи тон, сэхэ (прямо): Тус урдань айхабтар шангаар нэгэ юумэн тэһэршэбэ.