ТУРАХА

үйлэ ү. 1) маряа мяхаяа гээхэ, үргүүлхэ, муудаха, шуураха (худеть, тощать): Хорин дүрбэн оной хохи хүйтэн хабарай гарахаһаа хойшо эдеэ хоолдо муу боложо, мяха маряагаа гээжэ, тураһаар тураба (Б. Мунгонов); 2) гэдэһээ үлдэхэ, эдеэлэнгүй үхэхэ туйлдаа хүрэхэ (голодать): Тулиха зобохо, тураха даарахашье саг гарадаг байжа болохо (Ч. Цыдендамбаев); туража үхэхэ эдеэлээгүй дээрэһээ үхэхэ (гибнуть от истощения): Һүрэг малай туража үхэхэгүйһөө гадна хабсагайһаа халижа унахагүйнь түлөө оролдохо хэрэгтэй (Д. Батожабай); 3) шэлж. хооһорхо, үгырхэ (беднеть): – Мархансайн хэршье баяжаа һаа, бидэ хоёр таргалха бэшэбди, – гэжэ Дулсанайнгаа голхорходо: – Харин үшөө ехээр тураха зон бэшэ аалди? (Ч. Цыдендамбаев).