ТУМАРХАХА

үйлэ ү. 1) бүдүүрхэжэ хэрэгсээхэгүй, анхархагүй, хайхархагүй, тутархаха, арсаха (важничать, не внимая просьбам, отказываться, отговариваться): – Таанарта баяр боложо байна гээшэ гү? Энээнээ дархалха юм гүт, али тумархажа байна гээшэ гүт? (Х. Намсараев); сэн үргэхэеэ тумархаха сэн үргэхэеэ арсаха, сэн дээшэлүүлхэеэ һанахагүй (отказывать поднимать цену): Ямаршье хэһээлтэгүйень мэдэжэл байһан аад, юундэ ажалта үдэрэй сэн үргэхэеэ тумархаабши? (Ш.-С. Бадлуев); 2) ямбархаха, янгархаха (капризничать); 3) тума-яма болохо, һайзгайтаха (куражиться): – Теэд ондоо найдамтай хүниие олоходотнай яаха юм, – гэжэ «найдамтай» гэһэн үгэеэ илгаруулан, Жалуур тумархаһан мэтээр хэлэбэ (Ц. Шагжин).