ТУЛУУР

юум. н. 1) тулаад ябадаг модон, һорьбо (трость): Тээ холо сагаан шляпатай, сагаан шаргал субатай, тулуур бариhан үбгэн үрөөhэн гартаа баригша баглаа сэсэгээ дээрэ үргэбэ (Г.-Д. Дамбаев); 2) санаар ябахадаа бэеэ түлхихын тула хэрэглэдэг, сайраар гү, али ондоо материалаар хэгдэдэг хоёр тулгуур (лыжные палки): Санынгаа ооһор мулталжа, тулуураа саһа уруу сэрд хадхаад, обогорхон саһан малгайтай болдог дээрэ һуухаһаа урид малгайгаа зулай дээрээ ерэтэр үргэбэ (Ц.-Д. Хамаев).