ТУЙЛАЙ

наречи айхабтар, ушаргүй, уйгаргүй (крайне, чрезвычайно): Хоёрдохёор, өөһэдынгөө шархатаһан хүнүүдые гэдэргэнь гаргахань Петровто туйлай шухала хэрэг бэлэй (Ж. Тумунов); туйлай томо (гү, али ехэ) айхабтар томо, ушаргүй томо (огромный, очень большой): Намарай сэлмэг тэнгэриин уудамда дэгдэһэн арбан табанай һара нюдэндэнь туйлай томо гуулин улхан мэтээр харагдана (Б. Мунгонов); Тиихэдэ үзэгдөөгүй үлэсхэлэн жэл боложо, ажалша арадта туйлай ехэ үхэл зоболон асараа һэн (Д. Батожабай); туйлай долгонсогоор хомхойгоор (чрезвычайно жадно, с крайней жадностью): Тэрэ дары басаган нохой хоёр, үүдээр багтажа ядан, хоюулаа орожо ерээд, шүлэ, мяха эдюур доторнь дүүрэтэр хэжэ үгэхэдэнь, һүүлээ годолзуулжа байгаад, туйлай долгонсогоор эдинэ (Х. Намсараев); туйлай шангаар айхабтар шангаар (сильно, очень сильно): Люба ойро зуура ухаа алдажа, нюдэеэ бэлтылгэн, хүдэлэнгүй зогсоод, һүүлээрнь туйлай шангаар шаад байса хашхаран, хажуу тээшээ собхорон харайба (Ц. Шагжин).