ТУХАЙ

дах. ү. 1) ямар нэгэн юумэнэй талаар, тушаа (о, об, про, по поводу, относительно): Ороһоор мэндэеэ хэлээд, Намжал хармаануудаа һуулижа, эндэ эльгээгдэһэн тухай саарһаяа үгэгүйгөөр һарбайба (К. Цыденов); шам тухай шинии талаар, шам тушаа (о тебе): Дуулагша һэм энэ тэрэ юумэ шам тухай, теэд дэн иимэ гэжэ һанаагүйб (С. Доржиев); юун тухайшьеб ямар нэгэн юумэн тушаа (о чём-то, про что-то): Басагад галай зүүн хажуугаар һуугаад, хоорондоо юун тухайшьеб хөөрэлдэнэд; түүхэ тухай материал түүхын талаар, түүхые хамаарха баримтын зүйл, хэрэглэгдэхэ зүйл, баримта саарһанууд (материал по истории): Түнхэнэй аймагай Хойморой «Бодхидхарма» дасанай шэрээтэ Даша лама Шаглахаев буддын шажан болон монголшуудай, буряадуудай түүхэ тухай тон һонирхолтой материалнуудые олон жэлэй хугасаа соо суглуулжа, номууд болгон хэблэжэ байдаг юм (Д. Шаглахаев); 2) шэнээн, дүтэрхы, тойрон, шахуу (около, под, примерно, приблизительно): – Би эдэнэй тухай наһатай ябахадаа, тэрэ тиимэ, энэ иимэ гэжэ балай мэдэхэгүй ябагша бэлэйб (Х. Намсараев); хоёр долоон хоног тухай хоёр долоон хоногто дүтэрхы (без малого две недели): Хоёр долоон хоног тухай болоод, Долгорой аба эжы хари гүрэнөөр аяншалгаһаа ерэхэ юм; дүшэ тухай наһанай дүшэ тойрон наһанай (в возрасте около сорока): Дүшэ тухай наһанай үндэр буряад хүн сценэ дээрэ гараад, буряад арадай дуу дуулаба; зургаан модо тухай зургаан модо шахуу (около шести километров): Зургаан модо тухай гүйлгэлдөөд, шэлын захада хүрэжэ, моридоо аалидуулбад (С. Цырендоржиев); али (н) тухай хэды шэнээн, хэр, хэр зэргэ (до какой степени, насколько): Үнгэржэ ерэхэдээ, боосоо хэһэн монголшууд энэ мориной ашаар мүнгэ шүүхэдээ али тухай хүхидэг байгааб! (Д. Батожабай); Ши мүнөө бишыхан бэшэш, өөрөөшье харана хаямши, эрдэм, техникэ алин тухай эршэтэй түргэнөөр хүгжэнэб (К. Цыденов).