ТУГААР

наречи тээ мэндэ, һая, һаяхан, нэгэ үдэрэй туршада (недавно, в пределах одного дня): Үнэн дээрээ хамагаа нюунгүй хэлэхэ хүниинь Гэпэлмаа байжа, тугаар яахашье мүрөө олохоёо болиходоо, сэхэ ошоо һэн (Ц.-Д. Хамаев); тугаар һая (гү, али һаяхан (а)), тээ тугаар мэнэ һая, тээсгэн һая (совсем недавно): Тугаар һая огторгойдо дээрэ байһан наран хойто хадын саагуур толоёо сасан, шургажа ябаба (Д. Батожабай); Тугаар һаяхан яаража мэгдэжэ ябаһан Дагбада, мүнөө эндэ хүлеэжэ байхань тон удаан шэнгеэр һанагдаба (Ц. Шагжин); – Владивостогойш поезд тугаар һаяхана үнгэрөөл (С. Цырендоржиев); – Тээ тугаар, оройдоо час тухай сагай урда тээхэнэ, ямараар хөөрэлдэжэ, хүхилдэжэ ябаа гээшэ һэнбибди (А. Жамбалдоржиев); бүри тугаар тээ мэндэ, һаяшаг (давненько): – Солбониие бэдэрнэ гүш, тэрэнииеш бүри тугаар клубай газаа хараа һэм; тугаарһаа нааша (гү, али хойшо) тугаарай (с недавнего времени): Тугаарһаа нааша бодожол байһан юумыень нүхэдынь хэлэбэл даа (С. Доржиев); Тугаарһаа хойшо тиимэ бодол һанаанһаам гаранагүй (Б. Мунгонов).