ТОРГООХО

үйлэ ү., идх. залог 1) халта бүхэлхэ, байлгаха, уяха, хадууха (слегка прикреплять, зацеплять): Бастригаа тайлажа, үбһэеэ унагаагаад, дахин шэнээр тээхэ гэжэ шиидэһэн аад, ташалуур газарта шаргаяа торгоожо шадахагүйдөө гасалдаба (М. Осодоев); 2) шэлж. таатай харюу үгэжэ, саашаа дуугархыень болигохо (давать достойный ответ): Тиихэдэнь Ташарай, Үдэнгын, Үрмын Адагай буряадууд ород хэлэндэ оройдоошье ядахагүй даа, ород хэлээр ямаршье ород хүниие торгоохо (Б. Мунгонов); 3) шэлж. тогтоохо, үлөөхэ, хадагалха (оставить, сохранить): Урданай һүзэгтэй айлнууд үхибүүдээ торгоожо ядахадаа, тэдэнэртээ адууһа малай, мүн бусадшье зүһэ буруу амитанай нэрэ үгөөд, үхибүүдээ гэнтын үхэлһөө абараабди гэжэ һанадаг байгаа (М. Осодоев); торгоохо тогтоохо байлгаха, үлдөөхэ (останавливать, задерживать): Зоргондоо болоһон моридоо торгоожо тогтоожо ядахадаа, Ардан нэгэтэ үдэшэ Балта таабайнда ошожо, энээн тухайда сэдьхэлээ хүдэлгэн хөөрэбэ (М. Осодоев).