ТОЛО(Н)

(Н) юум. н. туяа, гэрэл, элшэ (отражение, отблески, луч, блеск, сияние): Энэ үедэ наран орожо, тэнгэриин хаяагай улаан толон нуурай номгохон арюун нюрган дээрэ айхабтар һайханаар улайран толотобо (Б. Мунгонов); наранай толон наранай туяа, элшэ (солнечные лучи): Онгосые голлон һууһан бүдүүн хүнэй нюдэнэй хара шэл наранай толондо ялагашана (Ц.-Ж. Жимбиев); һарын толон һарын гэрэл, туяа (лунный свет): Огторгойн орьёлдо носоһон һарын толон үргэн талын дунда оршодог булагай уһанай оёортонь хүрэтэр гэрэлтүүлнэ хэбэртэй (Ц.-Ж. Жимбиев); үүрэй толон үүрэй туяа (утренняя заря): Тэдэнэй иигэжэ һууһаар байтар, зүүн зүгһөө үүрэй толон туяаржа, һэмжэн үүлэдые ягаан үнгөөр гэрэлтүүлбэ (Б. Санжин, Б. Дандарон); үдэшын толон ороһон наранай туяа (зарево заката): Тунгалаг уһан соонь үдэшын толон унажа, зосооһоон туяатаһан юумэдэл мүнгэн ошонуудаар ялалзана (Ц.-Ж. Жимбиев); боро хараанай толон үдэшын бүрүүл гэрэл (сумеречный свет): Үдэшын боро хараанай һүүлшын толон һүнэн унтаржа, хүйтөөр анибхилһан олон түмэн одо мүшэд огторгойдо ялайлдан носожо эхилбэ (Б. Мунгонов); галай толон дүлэнэй туяа (отблески огня): Нюдэдынь түүдэбшын галай толондо һүрөөтэй хурсаар ялагашажа, хэн нэгэнэй зүрхые ходоро шобто харбахаа байһаншуу һанагдаха юм (М. Осодоев); түймэрэй толон түймэрэй туяа (зарево пожара); толо татаха гэрэлтэхэ (сиять, блестеть, озарять светом): Хандын хубсаһан хэды баазахан болобошье, хурсахан шарайнь толо татажа байһанай үльгэртэй, хүн бүхэнэй сэдьхэл зүрхые бүтүү хүдэлгэн байна хэбэртэй (Х. Намсараев); ○ гэрэл гэжэ үгэтэй парн. хэрэгл.