ТОЛГОЙЛОГШО

юум. н. 1) түрүү, эзэн (глава семьи и т.п.); 2) ударидагша, хүтэлбэрилэгшэ, дарга (руководитель, глава): Юу хэлэхэб, 20-еод, 30-аад, 40-өөд, 50-яад онуудта партийна эмхиин толгойлогшо байхада, һониншье, хүндэтэйшье хэрэг байгаа гэхэдэ болоно (Ц. Цырендоржиев); Буряад Уласай толгойлогшо 1994 ондо Буряад Уласай Дээдын зүблэлэй ажаллахаяа болиһоной һүүлээр тогтоогдоһон, табан жэлээр һунгагдадаг Буряад Уласай дээдын засаг түрын тушаал (г лава Республики Бурятия): Буряад Уласай толгойлогшо Алексей Цыденов Баргажан аймагай байгуулагдаһаар 95 жэлэй ойн баяраар амаршалба (baikal-daily.ru); толгойлогшын орлогшо ударидагшын туһалагша (заместитель главы): Ивалгын аймагай захиргаанай толгойлогшын орлогшо Зоригто Доржиев аймагтаа ямар ажал ябуулжа байһанаа хөөрэбэ (buryad. tv).