ТОХЁОЛДУУЛХА

үйлэ ү., идх. залог 1) тааруулха, зохид болгохо, заһаха (сводить, приводить в соответствие): «Эхэ хэлэн» гэһэн хубиин дасхал, сээжэ бэшэг, хүсэнэгтэнүүдые хинан тохёолдуулжа, сахим хэлбэридэ оруулха ажалай ударидагша (buryadxelen.com); 2) дайралдуулха, ушаруулха (причинять): Эдэ мүрнүүдээрни ада боохолдойнууд дахасалдан ошожо, ушаргүй муухай хохидол тохёолдуулжа болохо гэжэ тэрэ һанаһан байгаа (М. Осодоев); аюулта ушар тохёолдуулха аюул ушаруулха (навлекать опасность): Эдэ бүдүүд модо хатаадаг, түймэрэй аюулта ушар тохёолдуулжа магад гэжэ юрын хүн бүхэн ойлгонол ха юм (Ц. Сампилова); 3) зорюулха, дашарамдуулха (приурочивать, посвящать): …Монголой засагай газарай ордоной урдахи ехэ талмай дээрэ 1946 ондо уласай 25 жэлэй ойн баярай үдэрөөр тохёолдуулан, Сүхэ-Баатарай дураасхаалда бодхоогдоһон хүшөөгэй хажууда ошобобди (Х. Намсараев).