ТОХЁОЛДОХО

үйлэ ү. 1) дайралдаха, тудаха (попадаться, встречаться на пути): Машинын ябадаг харгынууд тиимэ гэхын аргагүй – тэдээнэй орхиһон гүнзэгы хободол мүрнүүд, эндэ тэндэ шабарта унан буксовалһан яама янханууд тохёолдоно (Ц.-Ж. Жимбиев); замда тохёолдохо замда дайралдаха (встречаться на пути): Замдаа тохёолдоһон шалаагай уһые хоёр тээшэнь сагаалхитарнь сэсэргэһээр, ойн шушуурай наадахи гүбээ өөдэ мухарина (Ж. Тумунов); нюдэндэ тохёолдохо харагдаха, обёорогдохо, нюдэндэ торолдохо, дайралдаха (попадаться на глаза): Иимэ хүн энэ түрмэ соо нэгэшье удаа минии нюдэндэ тохёолдоогүй бэлэйл (Х. Намсараев); 2) ушарха, болохо, тудаха (случаться, приключаться, происходить): Тэрэ зуура өөрынгөө наһан соо тохёолдоһон домог түүхые сэдьхэл бодолдоо иража байгаа бэлэй (Ж. Балданжабон); аюулай тохёолдохо ами наһанда аюултай байдалда орохо (попадать в опасную ситуацию): Нүхэр Третьяк, харуул тухай бү һанаата бологты: аюулай тохёолдоо һаань, тэрээниие сарахын тула бүхы хэмжээн абтанхай (Б. Шойдоков); тохёолдохо юумэн тохёолдоо болохо юумэнһөө зайлахагүйш, болохо (ёһотой) юумэн болоо (чему быть, того не миновать): Шоён Дёминой үүдэндэ ехээр шаналһанайшье хэбэртэй һаа, тохёолдоһон юумэн тохёолдоо юм ааб даа гэһэншүү һэн (А. Ангархаев); 3) тохёолгоной болохо (сходиться – о Луне и звёздах): – Олоорон иигэжэ суглархамнай һара мүшэнэй тохёолдоһондол ха юм, – гэлдэбэ нүхэдынь (Ч. Цыдендамбаев).