ТОГТОМОЛ

тэмд. н. хубилжа хүдэлдэггүй, байнга, хододоо байдаг, урдадаггүй (установленный, постоянный): Тогтомол байрагүй хүн байжа, намайе зобоогоот (Ш.-С. Бадлуев); тогтомол ажал нэгэл газарта хэдэг ажал (постоянная работа): Һүүлэй үедэ ар-һар хулгай хэхэһээ бэшэ тогтомол нэгэ ажалгүй боложо, хүл мунгаг тэнэжэ ябаһанаа, һаяшаг бусажа ерээд, совхозой тээрмэ багаар эрьелдэжэ ябатараа Дэлэг старшинатай уулзаһан гэхэ (Ц. Дон); тогтомол сэн хүдэлдэггүй, дээшээ доошоо болодоггүй сэн (стабильная, твёрдая цена): Дэлгүүрэй харилсаанай үедэ тогтомол сэнгээр юумэ худалдаха гээшэ тон худал; т огтомол сэнгүүдэй талаар у лас түрын албан Буряад Уласай дэбисхэртэ гуримшуулагдаһан ажал ябуулдаг эмхи зургаануудай бүтээлнүүдэй үнэ сэнгые зохисуулдаг улас түрын албан (Республиканская служба по тарифам); тогтомол заншал заншаһан ёһо, бүхэжэһэн, нэгэл хэбээрээ байдаг ёһо (установившийся обычай, традиция): Саг хубилжа, залуушуул һүүлэй үедэ тогтомол заншалаашье баримталхаа болинхой; тогтомол уһан урдадаггүй уһан, нуурмаг уһан (стоячая вода): Тогтомол гүйхэн нуурхан һаань, уданшьегүй уһаниинь дууһана бэзэ (Ш.-С. Бадлуев).