ТОДОЛХО

үйлэ ү. 1) мэдэжэ абаха, элирүүлхэ, ойлгохо, тодоруулха, олохо (выяснять, устанавливать, определять): Николай Иванович хадаа студентэеэ ойроо һуулгаад, толгойдонь байһан һаналыень нюур шарайгаарнь тодолон харадаг (Ч. Цыдендамбаев); замаа тодолхо харгыгаа, ямар зүг ошохоёо мэдэжэ абаха, ойлгохо (выяснять дорогу): Тэдэнэр арайшье гэжэ харгыгаа тодолоод, хүндэ хүшэр замаа үргэлжэлүүлбэ (Ц.-Ж. Жимбиев); 2) жэжэ баримтануудые һуража хүсэд ойлгогдохогүй асуудалые бүри тодорхой болгохо (уточнять): – Таабай, энэ хөөрэгшэ домогтнай үнэн болоһон ушар ха гү, али миил һанаанһаа тааруулһан хөөрөөн гү? – гэжэ тодолон һураа (Ф. Цыденжапов); 3) харуулха, толитуулан зураглаха (отражать): Энэ уран зохёол соо түүхэтэ үйлэ хэрэгүүд тодолон харуулагданхай.