ТОБОРЮУЛГА

юум. н. 1) ямар нэгэн юумэ гоёоһон монсогор толгойтой хадааһанууд, таблаа (шляпки заклёпок, бляхи, украшение на сбруе): Эмээлэйнь сардамал мүнгэн бүүргэ, хазаарайнь гуулин тоборюулга һарын толондо ялаганажа, хэлэшэгүй баян хүнэй айлшалжа ерэһые гэршэлнэ (М. Осодоев); эмээлэй тоборюулганууд дэбһэ дээрэ хоёр зурууд хадагдадаг монсогорхон толгойтой таблааhанууд (два ряда клёпок на кожаном кижиме с оловянными или свинцовыми головками, ими прикреплялись кожаные полоски, которые нашивались по краям кижима); тоборюулгатай сабхи таблаатай сабхи (сапоги с заклёпками): Томо бэетэй Жалсабай тоборюулгатай сабхинь нюсэгэн хүлыемни гэшхээ һаа, низа татахаар харагдадаг (Ш.-С. Бадлуев); 2) шэлж. ямар нэгэн оньһоной шагта (кнопка для звонка): Начальнигай һууриһаа һуха харайн бодоод, тэндэ ханада байһан нэгэ тоборюулга дарахалаар, хоёр полици гүйлдэжэ ороод, ёһолон байба (Х. Намсараев).