ТОҺОТОЙ

тэмд. н. тоһо ехэтэй, тарган, тоһо бушхаһан, тоһоор халюурһан (жирный, маслянистый): Шобдог ламын нюурһаа тоһотой шара хүлһэн дуһалжа, наранда һаргаһан зэртэгэр нюдэдынь хабдангир зубхи доогуураа үгы болошоод байба (Д. Батожабай); тоһотой шүлэн тарган мяханай шүлэн, тоһо ехэтэй шүлэн, хорготой шүлэн (жирный суп): Тоһотой шүлэн ууралгүй, томоотой хүн уургүй (Оньһ. ү.); тоһотой гар тоһоор будагдаһан, муухай гар (грязные, жирные руки): Эдеэлһэнэй һүүлдэ хүбүүндээ амынь зайлуулха, тоһотой гарынь угаалгаха гэжэ һамгантаяа хэды шэнээн оролдодогоо һанаандаа оруулжа, багшамнай үлэ мэдэг энеэбхилээд абаба (Б. Мунгонов).