ТЭЖЭЭХЭ

үйлэ ү. 1) эдеэ хоол үгэжэ тэдхэхэ, хооллуулха, эдеэлүүлжэ үндылгэхэ (кормить, вскармливать, выращивать): Иигэжэ дасанай ламанарай мяхынь шулажа эдеэд үлөөһэн яһаар, һургуулида сторожоор хүдэлжэ олоһон бишыхан салингаараа гэр бүлэеэ үбгэн баабаймнай тэжээдэг бэлэй (Ц. Шагжин); Тэжээһэн буруу тэргэ эбдэбэ (Оньһ. ү.); гараар тэжээхэ гараар эдеэлүүлхэ (кормить из рук): Эдэ хулганануудые зорюута гараар тэжээжэ, энэ бурханай шабинар болгон табидаг юм (Д. Батожабай); хүхөөр (гү, али hүөөр) тэжээхэ хүхэ хүхүүлхэ, һү хүхүүлхэ, хүхэнэй һүөөр эдеэлүүхэ (кормить грудью): Хорин һарын туршада хурган дээрээ үргэжэ, хүлдэ оросорнь хүхөөрөө тэжээжэ зобоо һэм (Х. Намсараев); хоолойгоо (гү, али амаа) тэжээхэ өөрөө эдихэ юумэеэ оложо амидарха (прокармливать самого себя): Тайгада агнажа шадаха бэшэ һэн тула гансал хулгай хуудамаар хоолойгоо тэжээхэ (С. Цырендоржиев); 2) хүмүүжүүлхэ, һургажа өөдэнь болгохо (воспитывать): Хэрбээ доошо зониие зэмэлээ hаа, тэрэнэй сэдьхэлые тэжээжэ хэлэ; хорёо соохи нохойтой үhөөрхэлдэжэ, тэрээндэ хусагдаа hаа, hайхан бэшэ (Э.-Х. Галшиев); 3) шэлж. дулаасуулха, бөөмэйлхэ, энхэрхэ (согревать, ласкать): Али уй гашуудалаар сэдьхэлээ тэжээгээд үнгэрэгдэхэ наһан гү? (С. Цырендоржиев); һанаа (гү, ли дура) сэдьхэлыень тэжээхэ сэдьхэл дулаасуулха, һанааень амарааха, һамааруулха (греть душу): Тэрэ бэрхэтэй сагтань эжыгээ энхэрхэ, һанаа сэдьхэлынь тэжээхэ ёһотойш (Б. Санжин, Б. Дандарон); Петербург ошожо, тэндэхи айл болохо хүсэл урда урдынхиһаа үлүүгээр һүүлэй эдэ үдэрнүүдтэ Анна Михайловнае эзэлэн, дура сэдьхэлыень дулаасуулан тэжээжэ эхилнэ (Ч. Цыдендамбаев); ○ үргэхэ гэжэ үгэтэй парн. хэрэгл.