ТЭРТЭДЭХЭ

үйлэ ү. 1) юумэнэй забһарта хабшуулжа хүнды гаргахын тула нэгэ юумэ табиха, тэбхэдэхэ (ставить распорки): Хожомой сагта нэгэ буурань хүндэ ородог боложо, бэльгүүн убдистай Молон багша амынь тэртэдэжэ номгоруулаад, «урда дабаанһаа сааша яба» гэжэ хэлэһыень, тэрэнь үгэ соонь урагшаа ябашоо гэхэ (Ц.-Х. Дарибазарова); арһа тэртэдэхэ арһа мушхаһан хойноо, тэрэнээ монсойтор эрээд, мушхалаагайнь үзүүрээр гасууда задархагүйгөөр хүшэхэ, тэбхэдэхэ (закрепить скрученную шкуру палочкой за кол); ◊ нюдэ тэртэдэхэ хүнэй нюдэ нээхэ, онгойлгохо (заставить открыть глаза): Юрэдөө, Бизьяагай нюдэ нээжэ, өөрөө нээхэ дурагүй һаань, тэртэдээд лэ, ажабайдалай али тэды һонин, али зэргэ удха унгитай байһыень харуулаял (С. Цырендоржиев); 2) бамбалзуулха, намалзуулха, нахилзуулха (пружинить).