ТЭМСЭЛ

юум. н. үйлэ хэрэг, хүсэл зорилгодоо хүрэхын түлөө зүдхэлгэ, оролдолго, хэшээлгэ, бэрхэшээлнүүдые дабалга, үзэлсэлгэ, тулалдаан (борьба): Тэрэ агууехэ тэмсэлдэ илажа гарахын тула одоол манай ами наһан хайратай бэшэ байха ёһотой (Х. Намсараев); ангиин тэмсэл эбсэшэгүй үзэлтэнэй тулалдаан (классовая борьба): Хубисхалай һүүлээр ангиин тэмсэл бүри хурсадажа, улаантанайшье, сагаантанайшье тала баридаггүй Холхойн хара амяа хараад, хаарта наймаа дэрлээд ябаха арга һалаа һэн (Д. Эрдынеев); тэмсэл хэхэ зорилгодоо хүрэхын түлөө зүдхэхэ (вести борьбу): Хэдэн олон хоног соо үбэл хабар хоёр сортоотой шангаар тэмсэл хэнэ (Ц. Шагжин); зэбсэгтэ тэмсэл буу зэбсэг хэрэглэһэн тулалдаан (вооружённая борьба): Тиибэшье олонхинь хүбшэ тайга руу тэрьелжэ, тэндээ эшээлээд, аяар 1930 он болотор зэбсэгтэ тэмсэл хэһэн юм (В. Гармаев); hунгалтын урдахи тэмсэл дэбжүүлэгдэһэн хүнүүдэй олон дуу, һаналнуудые абахын тула элдэб арга хэмжээнүүдые хэрэглэлгэ (предвыборная борьба); чанадын тэмсэл будд. эрдэмэй маргалдаанда эсэргүү талын һөөргэдэлгэ (возражения противной стороны в диспуте); тэмсэлэй ухаан будд. эрдэмэй маргалдаа хэхэ ухаан (искусство ведения диспута); тэмсэлэй шүтөөн будд. эрдэмэй маргалдаанай сэдэб (предмет, тема диспута); ○ хёморол, хэрүүл гэжэ үгэнүүдтэй парн. хэрэгл.