ТЭЛЕЭ I

юум. н. 1) хоёр эхые хүхэжэ тэнжэһэн түл мал (сосущий двух маток – о ягнятах и телятах); тэлеэ тугал хоёр үнеэ хүхэдэг тугал (один телёнок, подпускаемый к двум коровам): – Гурба-дүрбэншье үнеэнэй хоорондо нэгэ тэлеэ тугал байбал, огто үгыһөө дээрэ бшуу! – гэжэ тугалаа голоһон үнеэндэ тугалыень абхуулхадаа бэрхэ гэжэ алдаршаһан һамган арсалдаа зөөлэрүүлжэ һаатуулха һанаатай хэлэнэ (Ц. Дон); 2) нэгэ эхэнэрэй һүөөр тэжээгдэһэн (молочный – о брате, сестре).