ТЭХЭРИХЭ

үйлэ ү. 1) гэдэргээ эрьехэ, hөөргөө ерэхэ, бусаха (поворачивать обратно, возвращаться): Хүл дээрээ ябажа шадахал һаа, хэбтэжэ байхагүй һэн гэжэ сэдьхэлээ зобонги һанаад, Доржо урмагүйхэн тэхэрибэ (Ч. Цыдендамбаев); тэхэрижэ ерэхэ бусаха, hөөргөө ерэхэ (приходить обратно, вернуться сюда): Тэнгэриин нэгэ үдэр хөөрхым, наһанайм инаг хайрата нүхэр, тэхэрижэ ерэхэ хубитайшье аалам (Ц.-Д. Хамаев); гэдэргээ (гү, али hөөргөө) тэхэрихэ бусаха, гэдэргээ эрьехэ (поворачивать обратно, возвращаться): Тэрэ шадараа бэдэржэ дүүргээ, холо ойрые дурамбайдаа, теэд харанхы боложо эхилхэдэ, яахашье аргагүй болоходоо, гэдэргээ тэхэреэ юм (Д.-Д. Дугаров); Долоон жэлэй аяншалгын түсэб зохёоһон аад, хоёр жэл тамараад, үбшэндэ нэрбэгдэжэ, һөөргөө тэхэреэш (Ц.-Д. Хамаев); 2) шэлж. гаргаhан гаргашын үлүү гараса ерэхэ, бариишатайгаар бусаха (оправдываться, окупаться): Тээли хүбүүнэй хуримай мүнгэн тэхэреэ; ◊ ухаагаа тэхэрихэ зүнтэглэхэ, хүгшэржэ ухаа муутай болохо (выживать из ума): Мухани хүгшэн ухаагаа тэхэрижэ, наншалдаа һайхашаадаг, өөгшөөдэг болохонь бы (С. Цырендоржиев).