ТЭГШЭРХЭ

үйлэ ү. 1) жэгдэрхэ, жэгдэ болохо, өө-мөөгүй болохо, сэхэ болохо (выравниваться, выпрямляться, расправляться): – Холо бэшэ даа энээхэн жэжэ дабаан, – гэнэ Петромаан. – Модо тухай ябаад, тэгшэрхэ, саашаа нилээн уруудам байха даа (С. Доржиев); 2) амарлиха, һанаагаа амарха, тайдхарха, уушхарха (успокаиваться): « Һэшхэлтэй һайнууд болоод, хаа-яа хоноод ерэжэ байхадамни, хэн һэжэглэхэ һэм?» гэжэ сэдьхэхэдэнь, зосоонь тэгшэржэ, аятай зохид болошобо (Д. Батожабай); сэдьхэл тэгшэрхэ һанаагаа амарха, тайдхарха (успокаиваться): Эдир наһанайнгаа эрмэлзэлые орхижо, хүдөө ажахын институдта шалгалта үгэхэеэ ошоходонь, сошордонги эхын сэдьхэл тэгшэрээ һэн (Ц.-Д. Хамаев); 3) заһагдаха, залагдаха, һайжарха (исправляться, улучшаться): – Юундэ иигэнэб гээ? Юундэ байдални тэгшэржэ үгэнэгүйб! (Д. Эрдынеев).