ТЭГҮҮЛХЭ

үйлэ ү. 1) 2) шэглэн ошохо, мордохо, урагшаа дабшаха (направляться, устремляться): Би унтажа хэбтэһэн эжынгээ нэгэ жэгдэхэн амисхаалые шагнаархан, үльмы дээрээ дүмүүхэнээр гэшхэлжэ, үүдэн тээшээ тэгүүлнэб (Ц. Шагжин); доошоо тэгүүлхэ доошоо унахаяа һанаха (сползать): Хүл нюсэгэн Доржо удаан маргангүй, доошоо тэгүүлдэг үмдэеэ нэгэ удаа дээшэнь татажархёод, тэдэнэй хойноһоо гүйжэрхибэ (Ч. Цыдендамбаев); 2) зорихо, эрмэлзэхэ, ехээр ошохоёо һанаха (стремиться, рваться): Теэд Рабданай нютаг руугаа тэгүүлээд һалахагүйдэ, Сараана гэртэхинээ хонишон ахадаа даалгаад, тиитэрээ нютагаа тэгүүлээ хадаш бусаял даа гээд шиидэбэ (Д.-Д. Дылгыров); зүрхөөрөө тэгүүлхэ зүрхэ сэдьхэлээрээ зорихо (тянуться душой): Газар уһан тээшээ, аглаг һайхан инаг дуран тээшээ алаг эреэн зүрхөөрөө тэгүүлжэ, тайгын боро харгыгаар дугшуулжа ябахаһаа үлзытэй юумэн үгыл даа (М. Осодоев).